سمندری طوفان کا خطرہ، ماہی گیروں کو وارننگ جاری

135 Views

کوئٹہ: موسم کا حال بتانے والے ادارے نے 23 سے 25 جنوری کے درمیان سمندری طوفان کا امکان ظاہر کرتے ہوئے ماہی گیروں کو متنبہ کردیا ہے۔

تفصیلات کے مطابق محکمہ موسمیات کی جانب سے جاری بیان میں بتایا گیا ہے کہ بلوچستان کے بیشتر علاقوں میں طوفانی ہوائیں چلنے لگیں ہیں، جس کے باعث موسم مزید سرد ہوگیا ہے۔

محکمہ موسمیات نے خبردار کیا ہے کہ تئیس سے پچیس جنوری تک تیز ہوائیں چلنے سے سمندری طوفان کا امکان ہیں، جس پر محکمہ فشریز نے تین روز تک ماہی گیروں کو سمندر میں نہ جانے کی تاکید کی ہے۔

محکمہ موسمیات کے مطابق اس دوران کوئٹہ میں تیز او رسرد ہوائیں چلنے سےدرجہ حرارت منفی7تک گرنےکا امکان ہے۔

دوسری جانب کوئٹہ کے سرد ترین علاقے زیارت میں ایک بار پھرسردی کی شدت میں اضافہ ہوگیا ہے، جس کے نتیجے میں درجہ حرارت منفی 10 سینٹی گریڈ ریکارڈ کیا گیا ہے۔

شہر میں یخ بستہ ہوائیں چلنے سے معمولات زندگی شدید متاثر ہوئی ہے جبکہ سخت سردی کے باعث گیس کی فراہمی متاثر ہونے سے شہریوں کو شدید مشکلات کا سامنا کرنا پڑرہا ہے۔

چمن اور گرد و نواح میں بھی یخ بستہ ہواؤں کا راج ہے، شہراور گرد و نواح میں درجہ حرارت منفی 4 ڈگری سنٹی گریڈ ریکارڈ کیا گیا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے