ڪمشنر ڪراچي طرفان نسلا ٽاور کي ڪيرائڻ لاءِ ادارن ک خط، بلڊنگ جا سمورا ڪنيڪشن ڪاٽا

45 Views

ڪراچي: سپريم ڪورٽ جي حڪم تي نسلا ٽاور کي ڪنٽرولڊ بلاسٽنگ ذريعي مسمار ڪرڻ جي لاءِ ڪمشنر ڪراچي ايف ڊبليو او ۽ ڊي جي ايس بي سي اي کي خط لکي ڇڏيو تھ سوئي سدرن عمارت جو گئس ڪنيڪشن ڪٽي ڇڏيو آھي

ڪمشنر ڪراچي طرفان لکيل خط ۾ چيو ويو آھي تھ سپريم ڪورٽ 7 ڏينھن ۾ فيصلي تي عملدرآمد ڪرائڻ جو حڪم ڏنو آھي، نسلا ٽور جي ڪنٽرولڊ ڊيموليشن ۾ ايف ڊبليو او انتظاميا کي سھڪار فراھم ڪري ۽ سپريم ڪورٽ جي حڪم جي روشني ۾ ٻن ڏينھن ۾ ٽيڪنيڪل ۽ سيسمڪ سروي مڪمل ڪري آگاھ ڪيو وڃي

ان کانسواءِ ڪمشنر ڪراچي ڊي جي سنڌ بلڊنگ ڪنٽرول اٿارٽي کي بھ تعاون جي لاءِ خط لکيو آھي، جنھن ۾ چيو ويو آھي تھ 7 ڏينھن ۾ نسلا ٽاور کي ڪنٽرولڊ ڊيموليشن جي ذريعي مسمار ڪرڻو آھي ۽ عدالتي حڪم آھي تھ ٻن ڏينھن ۾ ٽيڪنيڪل سروي مڪمل ڪري رپورٽ ڪمشنر آفيس ۾ جمع ڪرائي وڃي

ڪمشنر ڪراچي نسلا ٽاور کي ڪنٽرولڊ ڊيموليشن جي معاملي تي لاڳاپيل ادارن جي سربراھن سان مشاورت جو فيصلو ڪيو آھي جنھن جي لاءِ اجلاس اڄ شام ٿيندو

جواب ڇڏي وڃو

توهان جو برق‌ٽپال پتو شايع نہ ڪيو ويندو. گھربل شعبا مارڪ ڪيل آهن *