انگلينڊ کي ٻي ٽيسٽ ۾ شڪست: نيوزيلينڊ سيريز کٽي ورتي

104 Views

برمنگهم (اسپورٽس نيوز) نيوزيلينڊ انگلينڊ کي ٻي ٽيسٽ ميچ ۾ شڪست ڏئي ڇڏي، سيريز به پنهنجي نانءُ ڪري ورتي، 2 ميچز جي سيريز ۾ جي پهرين ميچ ڊرا ٿي وئي هئي، جڏهن ته ٻي ميچ ۾ نيوزيلينڊ جي ٽيم پنهنجي ڪپتان ڪين وليمسن کانسواءِ ميدان ۾ لٿي هئي. برمنگهم ۾ کيڏيل ٻي ٽيسٽ ميچ ۾ نيوزيلينڊ انگلينڊ کي 8 وڪيٽن تان شڪست ڏئي ڇڏي. ميچ جي پهرين اننگز ۾ انگلينڊ 308 رنز اسڪور ڪيو، جواب ۾ ڪيوي ٽيم 388 جو مجموعي اسڪور بورڊ تي سجايو. ٻي انگنز ۾ انگلينڊ جي ٽيم نيوزلينيڊ جي بالرز جو مقابلو نه ڪري سگهي ۽ سموري ٽيم 122 رنز تي ڍير ٿي وئي. نيوزيلينڊ کي ميچ کٽڻ لاءِ 38 رنز جو هدف مليو، جيڪو اُن 2 وڪيٽن جي نقصان تي پورو ڪري ورتو. اهڙي ڪاميابي سان ئي نيوزيلينڊ ٻن ميچز جي سيريز 0-1 تان پنهنجي نانءُ ڪري ورتي، بهترين بالنگ پرفارمنس تي نيوزيلينڊ جي ميٽ هينري کي مين آف دي ميچ جو ايوارڊ ڏنو ويو.

جواب ڇڏي وڃو

توهان جو برق‌ٽپال پتو شايع نہ ڪيو ويندو. گھربل شعبا مارڪ ڪيل آهن *