ٽي_20 ورلڊ ورلڊ ڪپ جو دنگل سڀاڻي کان شروع، پاڪستان سميت ايونٽ ۾ شامل ٽيمون دبئي پهتل

49 Views

دبئي(اسپورٽس نيوز) ٽي_20 ورلڊ ورلڊ ڪپ جو دنگل سڀاڻي کان شروع ٿي رھيو آھي جنھن ۾ شرڪت لاءِ پاڪستان سميت ايونٽ ۾ شامل ٽيمون دبئي پهتل آھن.

ان ڏس ۾ انٽر نيشنل ڪرڪيٽ ڪائونسل جو ورلڊ ڪپ يو اي اي ۾ شروع ٿي رهيو آهي، جڏهن ته ايونٽ ۾ پاڪستان ۽ ڀارت جو دنگل فيوريٽ قرار ڏنو پيو وڃي، ان حوالي سان تياريون مڪمل ڪيون ويون آهن.بابر اعظم جي قيادت ۾ پاڪستاني ٽيم لاھور کان چارٽرڊ اڏام ذريعي دبئي رواني ٿي، 15 رڪني اسڪواڊ، ٽي ريزرو رانديگر ۽ اسٽاف ميمبرز شامل ھئا.

انٽر نيشنل ڪرڪيٽ ڪائونسل جي قيادت ۾ ٽي ٽوئنٽي ورلڊ ڪپ ۾ پاڪستان پنهنجي روايتي حريف ڀارت خلاف ميچ 24 آڪٽوبر تي کيڏندو، دبئي روانگي وقت پاڪستاني ٽيم جي ڪپتان بابر اعظم ٽوئٽ ڪيو، جنھن ۾ ھن لکيو تہ ورلڊ ڪپ جو سفر شروع ٿي ويو آهي، اسان ڪاميابي لاءِ پرعزم آهيون.

جواب ڇڏي وڃو

توهان جو برق‌ٽپال پتو شايع نہ ڪيو ويندو. گھربل شعبا مارڪ ڪيل آهن *