شاہ سلمان بن عبدالعزیز نے بڑا شاہی فرمان جاری کردیا

203 Views

ریاض : خادم حرمین شریفین شاہ سلمان بن عبدالعزیز نے بدھ کو سپریم کورٹ کے لیے 13 ججوں کے تقرر کا شاہی فرمان جاری کیا ہے۔

سعودی خبررساں ادارے کے مطابق وزیر انصاف اور اعلیٰ عدالتی کونسل کے سربراہ ڈاکٹر ولید الصمعانی نے واضح کیا کہ ہماری قیادت عدلیہ کی ہر ممکن مدد کو اپنا شیوہ بنائے ہوئے ہے۔

ذرائع کا کہنا ہے کہ سپریم کورٹ کے لیے 13 ججوں کی تقرری کے شاہی فرمان کی بدولت عدلیہ کو اپنے فرائض کی ادائیگی میں سہولت ہوگی۔

جن تیرہ ججوں کی تقرری کی گئی ہے ان میں ناصر بن فہد الخویر، محمد بن عبداللہ العمری، محمد بن مسفر الغامدی، ناصر بن عویض القحطانی، عبدالباقی بن محمد آل الشیخ مبارک، فہد بن ناصر السلیمان، عبداللہ بن عبدالرحیم الزھرانی، عبدالعزیز بن عبدالرحمن الکلیۃ، ابراہیم بن ناصر السحیبانی، ناصر بن سعود الحربی، احمد بن محمد المھیزع، ابراہیم بن عبدالعزیز الھویمل اور محمد بن صالح الیحیی شامل ہیں۔

الصمعانی نے ججوں کی تقرری پر شاہ سلمان بن عبدالعزیز کا شکریہ ادا کیا اور ان کے لیے نیک خواہشات کا اظہار کیا ہے۔
ڈاکٹر الصمعانی نے کہا کہ نئے ججوں کے تقرر سے فوجداری کے امور نمٹانے میں سہولت حاصل ہوگی۔

Follow news10.pk on Twitter and Facebook to join the conversation

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے