تاجروں اور ٹرانسپورٹرز کا ہڑتال کی حمایت کا اعلان

90 Views

کراچی میں تاجروں اور ٹرانسپورٹرز نے لاہور واقعے کے خلاف مفتی منیب کی جانب سے ہڑتال کی حمایت کردی۔

آل سٹی تاجر اتحاد کے چیئرمین شرجیل گوپلانی نے کہا کہ الائنس میں شامل تمام بازارپیر کو بند رہیں گے۔ اسی طرح ٹریڈرز ایسوسی ایشن میریٹ روڈ نے بھی علما کرام کی ہڑتال کی حمایت کا اعلان کرتے ہوئے میریٹ روڈ، بولٹن مارکیٹ اور اطراف کے بازار بند رکھنے کا اعلان کیا ہے۔  کراچی الیکٹرانک ڈیلرز ایسوسی کے چیئرمین رضوان عرفان کے مطابق کراچی کے تمام الیکٹرانک بازار اور موبائل مارکیٹس آج بند رہیں گی۔

اسی طرح گڈز ٹرانسپورٹ ایسوسی ایشن نے ہڑتال کی حمایت کرتے ہوئے ٹرانسپورٹ بند رکھنے کا اعلان کیا ہے۔ ایسوسی ایشن کے جنرل سیکریٹری محمد حسین کے مطابق پیر کو ٹرانسپورٹرز اور گڈز ایسوسی ہڑتال کی حمایت میں تمام ٹرانسپورٹ بند رکھیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے