شیخ الحدیث ہیبت اللّٰہ زندہ ہیں: ذبیح اللّٰہ مجاہد

129 Views

افغانستان کا کنٹرول سنبھالنے والے طالبان کے ترجمان ذبیح اللّٰہ مجاہد نے کہا ہے کہ شیخ الحدیث ہیبت اللّٰہ زندہ ہیں۔

یہ بات طالبان کے ترجمان ذبیح اللّٰہ مجاہد نے کابل سے ’جیو نیوز ‘سے خصوصی گفتگو کرتے ہوئے بتائی ہے۔

انہوں نے کہا کہ ہیبت اللّٰہ ہمارے امیر المومنین ہیں، افغانستان کے آنے والے نظام کا ہیبت اللّٰہ بھی حصہ ہوں گے۔

ترجمان افغان طالبان کا مزید کہنا ہےکہ آپ افغانستان میں امن قائم کرنا چاہتے ہیں تو یہ امن شریعت کے قانون میں موجود سزاؤں کے نفاذ سے ہی آ سکتا ہے۔

ذبیح اللّٰہ مجاہد کا مزید کہنا ہے کہ اس بار کسی کو سزا دینے سے پہلے اس کے حوالے سے بھرپور تحقیق کی جائے گی۔

انہوں نے یہ بھی کہا کہ 80 فیصد یقین ہے کہ پنج شیر میں معاملات مذاکرات سے حل ہو جائیں گے، ہم صلح صفائی سے آگے جانا چاہتے ہیں۔

جواب دیں

آپ کا ای میل ایڈریس شائع نہیں کیا جائے گا۔