سندھ حکومت نے ایک اور ٹیکس یوٹیلٹی بل میں وصول کرنے کا فیصلہ کرلیا۔

60 Views

سندھ حکومت نے ایک اور ٹیکس یوٹیلٹی بل میں وصول کرنے کا فیصلہ کرلیا۔

سالڈ ویسٹ منیجمنٹ بورڈ کے ترجمان کے مطابق کچرا اٹھانے کا ٹیکس سوئی گیس بل میں لیا جائے گا اور اس حوالے سے سوئی سدرن کو خط لکھنے کا فیصلہ کیا ہے۔

ترجمان کا کہنا تھاکہ گھروں کے باہر سے کچرا اٹھانے کا ٹیکس سوئی گیس کے بل میں لیا جائے گا  اور کچرا اٹھانے کے ٹیکس سے سالانہ 5 ارب روپے جمع ہونے کی توقع ہے۔

ترجمان نے بتایا کہ وزیر بلدیات سندھ کی زیر صدارت سالڈ ویسٹ منیجمنٹ بورڈ کے اجلاس میں یہ فیصلہ کیا گیا ہے۔

ترجمان کے مطابق عمارتوں، فلیٹس، گھروں اور صنعتوں سےکچرا اکٹھا کیا جائے گا جبکہ رہائشی علاقوں سے 100 سے 300 روپے ٹیکس لیا جائے گا۔

ترجمان کا کہنا تھاکہ بورڈ نے اپنے ذرائع سے ریونیو جمع کرنے کیلئے اقدامات کا فیصلہ کیا ہے۔

خیال رہے کہ گزشتہ دنوں سندھ حکومت کنزرونسی ٹیکس وصولی کیلئے کے الیکٹرک کو بھی خط لکھ چکی ہے تاہم وفاق نے کے ای کے بل میں کنزرونسی ٹیکس وصول کرنے کی مخالفت کی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے