سعودی حکام نے مقامیوں کے نام سے غیرملکیوں کے کارگو ٹرانسپورٹ پر نئی پابندیاں عائد کردیں

59 Views

عرب میڈیا کی رپورٹ کے مطابق مملکت کی حکومت نے سعودی شہریوں کے نام سے تارکین وطن کے کارگو ٹرانسپورٹ کے انسداد کے لیے نئے سخت ضابطے مقرر کیے ہیں۔

حکام نے پابندی عائد کی ہے کہ سعودیوں کے نام سے کاروبار کرنے والے غیرملکیوں کے ٹرکوں کو کسٹم میں آنے جانے کی اجازت نہیں ہوگی۔

اسی طرح کوئی تارکین وطن ڈرائیور ہیوی ڈرائیونگ لائسنس حاصل کرنا چاہے گا تو ایسی صورت میں اس سے پبلک ٹرانسپورٹ اتھارٹی کی جانب سے جاری کردہ پروفیشنل کارڈ طلب کیا جائے گا۔

جبکہ سامان لادنے کے معاہدے صرف ان لوگوں کے ساتھ کیے جائیں گے جن کے پاس شاہراہوں پر سامان لانے لے جانے کے لیے پبلک ٹرانسپورٹ اتھارٹی کا اجازت نامہ ہوگا۔

نئے قوائد وضوابط کے تحت کارگو سروس کے بل کی ادائیگی میں اس بات کی پابندی کی جائے گی کہ پبلک ٹرانسپورٹ اتھارٹی کی منظور شدہ دستاویز رکھنے والے ٹرکوں ہی کے کارگو بل ادا ہوں گے اس طرح درپردہ معاملہ طے کرکے کارگو سروس فراہم کرنے والے غیرملکیوں کے کاروبار کا انسداد ممکن ہے۔

کارگو ٹرانسپورٹ کے حوالے سے دیگر اصول بھی طے کیے گئے ہیں جن پر عمل کرنا لازمی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے