پاکستان اور سعودی عرب نے کتنے اور کن شعبوں میں معاہدوں پر دستخط کیے

120 Views
سعودی ولی عہد شہزادہ محمد بن سلمان اور وزیر اعظم عمران خان کے درمیان مذاکرات کے بعد دونوں ملکوں نے اعلی رابطہ کونسل سمیت تین معاہدوں اور دو مفاہمتی یادداشتوں پر دستخط کیے ہیں۔
 سعودی ولی عہد اور وزیراعظم پاکستان نے سعودی پاکستانی اعلی رابطہ کونسل کے قیام کے معاہدے پر دستخط کیے۔
سعودی خبر رساں ایجنسی ایس پی اے سعودی ولی عہد اورعمران خان کی موجودگی میں دونوں ملکوں کے درمیان دو معاہدوں اور دو مفاہمتی یادداشتوں پر دستخط ہوئے جس میں سزایافتگان کے سلسلے میں تعاون کا معاہدہ، انسداد جرائم کے سلسلے میں تعاون کا معاہدہ شامل ہے۔
اعلی رابطہ کونسل سمیت تین معاہدوں اور دو مفاہمتی یادداشتوں پر دستخط کیے ہیں۔(فوٹو ایس پی اے)
 ان دونوں معاہدوں پر سعودی عرب کی طرف سے وزیر داخلہ شہزادہ عبدالعزیز اور پاکستان کی جانب سے وزیر داخلہ شیخ رشید احمد نے دستخط کیے۔ 
انسداد منشیات کے سلسلے میں مفاہمتی یادداشت پر مملکت کی جانب سے وزیر داخلہ شہزادہ عبدالعزیز اور پاکستان کی طرف سے وزیر خارجہ شاہ محمود قریشی نے دستخط کیے ہیں۔ 
مفاہمتی یادداشت پر وزیر خارجہ شاہ محمود قریشی نے دستخط کیے ہیں۔ ( فوٹو ایس پی اے)
توانائی، بنیادی ڈھانچے، ٹرانسپورٹ، پانی اور مواصلات کے شعبوں میں منصوبوں کی فنڈنگ کے لیے مفاہمتی یادداشت پر سعودی عرب کی طرف سے وزیر سیاحت و سربراہ سعودی ترقیاتی فنڈ احمد الخطیب اور پاکستان کی جانب سے وزیر خارجہ شاہ محمود قریشی نے دستخط کیے۔
یاد رہے کہ عمران خان سعودی عرب کے سرکاری دورے پر جمعے کو جدہ پہنچے تھے۔ ولی عہد شہزادہ محمد بن سلمان کنگ عبدالعزیز انٹرنیشنل ایئرپورٹ پر ان کا خیر مقدم کیا۔
اس موقع پر وزیر تجارت و قائم مقام وزیر اطلاعات ڈاکٹر ماجد القصبی اور متعدد عہدیدار بھی خیر مقدم کے لیے موجود تھے۔ 
دو معاہدوں پر پاکستان کی جانب سے وزیر داخلہ شیخ رشید احمد نے دستخط کیے۔ ( فوٹو ایس پی اے)
مذاکرات میں سعودی عرب کی طرف سے وزیر داخلہ شہزادہ عبدالعزیز بن سعود، نائب وزیر دفاع شہزادہ خالد بن سلمانز وزیر خارجہ شہزادہ فیصل بن فرحان ، وزیر مملکت و رکن کابینہ و مشیر قومی سلامتی ڈاکٹر مساعد العیبان، وزیر تجارت و قائم وزیر اطلاعات ڈاکٹر ماجد القصبی اور پاکستان میں متعین سعودی سفیر نواف المالکی شریک ہوئے- 
وزیراعظم پاکستان کی معاونت کے لیے وزیر خارجہ مخدوم شاہ محمود قریشی، آرمی چیف جنرل  قمر جاوید باجوہ، وزیر داخلہ شیخ رشید احمد، سیکریٹری خارجہ سہیل محمود، وزیراعظم کے معاون خاص برائے ماحولیات امین اسلم ، مملکت میں متعین سفیر پاکستان بلال اکبر، آرمی کمانڈر کے سیکریٹری میجر جنرل محمد عرفان، وزیراعظم کے عسکری سیکریٹری بریگیڈیئر محمد احمد شریک ہوئے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے